رجال العشرة قروش

رجال العشرة قروش

بتطلع بالباص، كافي خيرك شرك، وعايف التنكة، مش

شايف قدامك، بتلاقي كرسي باخر الباص، بتنرمي

عليه زي القتيل، بتضرب عينك على واحد قاعد ب

،اول الباص، فاتل 180 درجة، وقاعد بيضحكلك

! وبيشوشح ب ايده

"يا الله شايفوا هال بني ادم، بس مش متذكر وين"

بيجي الكونترول عشان يلم الاجرة، ، بينط اخينا، بشجاعة خالد بن الوليد، وكرم حاتم الطائي، بيعطي للكونترول

نص ليرة، وبيقلوا: "اثنين!! أنا والأخ اللي قاعد ورا، هناك يا زلمة، هيو ابو السكسوكة، اللي لابس ،جوكيت جلد

"يازلمة هاظاك اللي شكلوا جاي يقوم يظربني

!"بيروح الكونترول بيكمل، وصاحبنا عينه عليه زي النسر، بس يوصل عندي، بينط بيقول: "هاظ الزلمة واصل

اي يلعن اخت هل عشر قروش يا عمي، قلعطت الباص والكونترول والشوفير والركاب، عشان تدفع عن واحد

.بتعرفش اسمه حتى

"!!واحلى شي وانتا نازل، يعني بتستحي وبتقلوا: "شكرا" بيرد عليك باعلى صوت: "هلا! هلا ابو حميد

.مين ابو حميد؟ اول مرة اعرف انه "رامي" بيدلعوا ابو حميد

! انا داري، احنا مالناش دعوة، دع الخلق للخالق

By: bandovan
Date: 23rd December 2003