Specialization

سبيشاليزايشن

مع التطور الحاصل في العالم، أصبح من الملاحظ ان

الكل يتوجه نحو التخصص داخل التخصص، فلا

يكفي أن تكون متخصصا في مجال عام حتى تكون

. ملما بجميع المجالات المتفرعة منه

طبعا هاد الحكي مطبق فقط في بلدان العالم الأول

.. والتاني والرابع والخامس والسادس

،أما في بلاد العالم الثالث، فهذا الحكي فش منه

،بمعنى أخر .. طعه وقايمة، والأدهى من هيك

!انه محدش بكون فاهم الطبخة، يعني إذا كنت ميكانيكي سيارات، معناتو اكيد اكيد بتفهم للتلفزيونات

!مرة من المرات، قاعد في امان الله بشتغل، اجاني زميل إلي في العمل، من رفعة حواجبه عرفت انه جاي لمصلحة

: المهم .. المحادثة صارت على النحو التالي

!! الشب: أبوررريييممم

! أنا: هلا هلا تفضل

الشب: لا والله مستعجل، بس كنت بدي أسألك هالشغلة

! انا: اهها! اؤمر

الشب: يا زلمة والله ما انا عارف مين مبعبعش بالساتالايت عندي بالبيت، ومبطل يجيب العربسات! عندك فكرة

شو المشكلة؟

انا: لا والله يا عماد، إبصر

!! الشب: جد بتحكي يا زلمة

! انا: اه والله جد بحكي

.. الشب: له له يابورريييمممم! عا حساب! ال اي تي والمش عارف شو، واضرب واطرح! فظحتنا يا زلمة

طبعا بعد نقاش طويل عريض، وانا احاول افهمه، انه مش كل اشي اله سلك كهربا او بشتغل عا بطارية، لازم نكون

! احنا ال اي تيز بنفهم فيه

واللي بدو اياك تشوفلوا سوفتوير الموبايل، واللي بيسألك عن دي في دي، وفي الاخر، بتطلع ولا مؤاخذة حمار، لانه

. الحمار اللي قبالك مش عارف وين الله حاطه

.. اهو، دنيا

By: bandovan
Date: 5th May 2004