!! الصوت العربي

!! الصوت العربي


.. لأ مهو أنت لازم تحطّ في بالك شغله مهمّة

!! أنها حميت! .. فلازم تصوّت

لأنه الكل مركن عليك والله ..

والمشكلة كمان انهم مفهمينك انه صوتك ما الو

اهميّة .. بالعكس! يعني لولاك .. ما قدرنا

ننبسط بملكة جمال لبنان .. ولولاك .. ما شفنا ايمن الاعتر سوبرستار العرب اثنين .. ولولاك .. ما حضرنا فيلم

الاميركان بيوتي على التلفزيون .. ولولاك .. ما طلعت "ليلي نهاري" على التوب هيتس

وطبعا اكيد راح تسمع من ناس مغرضين مدسوسين انه الهدف من هاي القصص كلها انهم ياخدوا مصاريك .. لا ترد

على هال حكي .. يعني عفوا .. كم بيكلّف التصويت الواحد؟ دينارين ثلاثة؟ 20 ريال؟ يعني بالشهر لو دفعتلّك

عشرين ثلاثين ليرة .. والله ما همه خسارة .. بعدين سلامة خيرك يعني .. شو ال 30 ليرة مقارنة مع انك تشوف

نسرين ولا ياسمين ولا كريستين لابسة تاج الملكة "بفتح اللام"؟

بعدين لا تنسى أنه مش دايما ممكن يطلعلك فرصة ذهبية زي هيك أنك تعبّر عن رأيك بكل صراحة وتصوّت للّي انت

بدّك اياه/ا

! يا اخي واذا داقت فيك الامور ومش عارف شو تسوّي بهال صوت .. عندي الحل

الف ليرة مصاري .. وستوديو منيح واكم من بنت لابسة مزلّط .. مش مهم تكون حلوة على فكرة .. لأنه

.. الكاميرا مش راح توصل لفوق .. ونزّل كليب! خلّي صوتك يوصل للعالم كله .. ومش مهم الكلمات ولا الالحان

لأنه راس مالها كوافير شاطر يغيّر ال"لوك" تبعك .. واكم من مبدأ تحطهم بالزبالة .. وقناة تتبناك وتقعدك على

.. صاروخ" النجوميّة .. وبعديها هات لحّق بيع كاسيتات وسيديز"

المهم أنّك تضلّك تصوّت .. لأنه على الوضع اللي انت عايش فيه .. معك حق أنك تلطم كمان مش بس تصوّت

By: bandovan
Date: 11th September 2004