لقاء عمل : مستوحى من كاريكاتير للمبدع عماد حجاج

عبد المعطي: اعرفك يا علان .. هاد فلان الفلاني .. المسؤول عن شؤون الموظفين عنّا

علان: اهلين اهلين! شو بيقربلك وائل الفلاني؟

فلان: والله بيقربلي من بعيد .. من نفس البلد يعني

!!علان: يا زلمة هاد حبيبي! ايام الجامعة كنّا شوسموين بلباس انا ويّاه

.. فلان: يا سيدي، المهم

علان: لأ بس بتعرف .. شتّان ما بينك وبينوا! انت مبيّن عليك عاقل وراكز .. هظاك سرسري وسكرجي

وعربيد، الو وحشة الله لا يجبرلوا .. وين اراضيه هسّه؟

.. فلان : والله ما بعرف، المهم

! علان: يا زلمة قرابتك وما بتعرف! بس والله ولا الكوا دخل ببعض .. ما بتشبهوا بعض

! فلان: اه مهو بيقربلي من بعيد يعني

علان: أخ على ايامك يا وائل! بتعرف انّه مرتوا انا عرفتوا عليها ايام الجامعة!! كان خجول في التعامل مع

البنات .. الحزيط

! فلان: بس وائل مش متجوّز

علان: اوه! والله شكلي انا بحكي عن حازم الفلاني!! اكيد بتعرفوا .. مهو ابن عمته لوائل

.. فلان: المهم .. نرجع لموضوعنا

علان "تيّس عبدك يا ربّي": بس بتعرف .. شايفك يا أخي!! درست بالجامعة الاردنية اشي؟

.. فلان: لا والله .. المهم

! علان: بس اكيد كنت تيجي تشوف صحابك! يا اخي وجهك مألوف

! فلان: عمري ما دخلتها .. انا دارس برّة

! علان: ااااااااااااههههههههههه!! اكيد بالتكنو! كنت اروح عند صحابي هناك .. وانا بحكي وين شايفك

!! فلان: يا عمي برّة .. برّرررررة! ببريطانيا يعني

علان: اه! طب اسف

فلان: مش مشكلة .. نرجع لموضوعنا

علان "من مبدأ لا حياة مع اليأس .. أو لا حياة لمن تنادي": طب درست بصلاح الدين إشي؟

أنا كنت بالحادي عشر باء

فلان: يا عمي انا مولود برّة ودارس برّة وما صارلي اسبوعين بالاردن!! انت عفوا لشو جاي؟

علان: اقدم طلب لوظيفة مدير الانظمة عندكم

فلان: اه .. وشو دارس؟

علان: والله انا مهندس زراعي .. بس خبرتي منيحة بهذا المجال .. حتى أنا وحازم نفس الدفعة ونفس التحصّص

.. فلان: اه قلتلّي! طب معلش تطلع برّة وتوخذ الباب بطريقك .. اه صحيح .. اذا لسّه بتحكي مع وائل او حازم

! احكيلهم يدفعوا المصاري اللي عليهم .. الله معك
________________________
أما فلان .. فقد هجّ من البلد ورجع على بلاد العمة تاتشر .. وهو حاليا متجوز من بريطانية وإجالوا ولد وبنت

سمّاهم فلاديمير وسفيتلانا .. ولا ينوي الرجوع إلى الاردن مطلقا

وأما علان، فهو الأن يعمل كسائق حافلة على طريق عمان - تركيا .. واذا لنّصت معه شوي بيجوز يوصل بريطانيا

عشان يتاكد وين شايفوا لفلان قبل هيك

أما وائل وحازم .. فقد حصل بينهم مشكلة على شغلة مصاري وهيك، واحد انطخ ومات والثاني مزتوت بالجويدة

By: bandovan
Date: 14th September 2004